اسلام آباد(پاکستان پوائنٹ نیوز۔27 جولائی۔2016) بزنس مین پینل دے سینئر وائس چیئرمین میاں زاہد حسین آکھے جو ہک سال اچ ترائے ایل این جی پاور پلانٹس کم شروع کرڈیسن جیندے نال نظام اچ 3600 میگاواٹ بجلی شامل تھی ویسی ،جیہڑی جو موجودہ حکومت دا وڈا کارنامہ ہے، ایندے نتیجے اچ گرمیاں دے موسم اچ بجلی دا شارٹ فال ادھا تھی ویسی ۔ چینی کمپنیاں اتے امریکی ٹیکنالوجی دی مدد نال بنڑا ئے ونجنڑآلے اے جدید بجلی گھر ملک اچ پہلے توں گیس تے چلنڑآلے بجلی گھراں دے مقابلہ اچ ادھی گیس استعمال کریسن۔
بدھ کوں اتھاں جاری بیان اچ میاں زاہد حسین آکھے جو ایل این جی دی درآمد اچ ودھارے نال سی این جی سٹیشنز، فرٹیلائزر سیکٹر، ٹیکسٹائل انڈسٹری اتے عام انڈسٹری کوں وی گیس دی دستیابی ودھا ڈتی ویسی جیندے نال پیداوار، روزگار، محاصل اتے مجموعی صورتحال تے چنگا اثر پوسی جڈانجو زراعت کوں ساریاں توں ودھ فیدہ تھیسی ۔ انہاں آکھیا جو حکومت قطر گیس نال ایل این جی دی سپلائی دا 15 سالہ معاہدہ کیتا ہویا ہے جیندے تحت برینٹ کروڈ آئل دی قیمت دے مقابلے اچ 13.35 فیصد ادائیگی کیتی ویندی پئی ہے جڈانجو جیکر نجی شعبہ کوں کوں ایل این جی درآمد کرنڑ دی اجازت ڈتی ونجے تاں مسابقت پاروں قیمتاں اچ بئی گھٹکی ممکن ہے ۔
