لاہور(پاکستان پوائنٹ نیوز۔27 جولائی۔2016) ) مشیر وزیر اعلیٰ و پارلیمانی سیکر ٹری انفار میشن و کلچر رانا محمد ارشد آکھے جو سارے صوبے دے خصوصی بالیں دی تعلیم تے تر بیت کیتے قائم خصوصی تعلیمی اداریاں دا ایںمالی سال دے دوران تقریبا ہک ارب روپے دی لاگت نال درجہ ودھایا ویسی تانجو انہاں اداریاں کوں پیش آونڑآلے مسلیاں کوں مکایا ونج سگے اتے ودھ توں ودھ بالیں کوں آسانی نال داخلہ مل سگے اتے او معاشرے دا اہم فرد بنڑ سگن، اتے اعلیٰ ہنر مند ی دی تربیت حاصل کرتے آپنڑیں ٹبر کوں پال سگن۔
انہاں اے گالھ بدھ کوں خصوصی بالیں دے والدین نال ملاقات اچ گالھ مہاڑ کریندے آکھیاں۔ انہاں آکھیا جو حکومت خصوصی بالیں کوں معاشرے دا کارآمد شہری بنڑاونڑ کیتے جدید معیاری تعلیمی سہولتاں ڈیندی پئی ہے ۔ انہاں آکھیا جو ایں مالی سال دے دوران گورنمنٹ ڈگری کالج آف سپیشل ایجوکیشن ملتان دا قیام عمل اچ گھن آیا ویسی جڈانجو طالبات کیتے گوجرانوالہ تے راولپنڈی اچ سیکنڈری سکولاں د ا قیام وی عمل اچ گھن آیا ویسی ۔ انہاں آکھیا جو پہلے توں قائم 8 گورنمنٹ سپیشل ایجوکیشن سنٹرز دا درجہ مڈل توں سیکنڈری سکولاں اتے پرائمری توں مڈل سکولاں اچ ودھایا ویسی ۔
