گزریل مالی سال دے دوران بساں دی پیداوار وچ 85.79 فیصد ،چھوٹیاںکمرشل گاڈیاں دی پیداوار وچ

35.65 فیصد ودھاراتھیا، ادارہ برائے شماریات پاکستان

گزریل مالی سال دے دوران بساں دی پیداوار وچ 85.79 فیصد ،چھوٹیاںکمرشل گاڈیاں دی پیداوار وچ
35.65 فیصد ودھاراتھیا، ادارہ برائے شماریات پاکستان

اسلام آباد (پاکستان پوائنٹ نیوز۔27 جولائی۔2016) گزریل مالی سال 2015-16دے دوران بساں دی پیداوار وچ 85.79 فیصد جڈانجو چھوٹیاں کمرشل گاڈیاں دی پیداوار وچ 35.65 فیصد داودھارا تھئے۔ ادارہ برائے شماریات پاکستان دے اعدادو شمار دے مطابق گزریل مالی سال وچ جولائی توں مئی 2015-16ء دے دوران ملک وچ 994 بساں دی پیداوارتھئی ہے جڈانجو مالی سال 2014-15ء دے ایں عرصے دے دوران ملک وچ 535 بساں تیار کیتیاں گئیاں ہن ایں طرح چھوٹیاںکمرشل گاڈیاں دی مقامی پیداوار 33ہزار 632یونٹس تائیں ودھ گئی جڈانجو ایں توں گزریل مالی سال وچ ملک اچ 24 ہزار 794 ہلکی گاڈیاں دی پیداوار تھئی۔

ایں طرح مالی سال 2014-15ء دے مقابلے وچ گزریل مالی سال دے پہلے 11مہیناں دے دوران بساں دی ملکی پیداوار وچ 85 فیصد توں ودھ جڈانجو ہلکی کمرشل گاڈیاں دی پیداوار وچ 35 فیصد توں ودھ دا ودھارا تھئے ۔پی بی ایس دی رپورٹ مطابق گزریل مالی سال دے دوران کاراں اتے جیپاں دی ملکی پیداوار وچ وی 2157 فیصد ' موٹر سائیکلاں دی پیداوار وچ 16.65 فیصد اتے ٹرکاں دی پیداوار وچ 37.11 فیصد داچنگا ودھارا ریکارڈ کیتا گئے۔ اقتصادی ماہرین دا آکھنڑ ہے جو آٹو موبائیلز دے شعبے دی ترقی نال ملک وچ صنعتی سرگرمیاں دے فروغ دی عکاسی تھیندی ہے