اسلام آباد (پاکستان نیوز پوائنٹ 12جنوری2016ء) وفاقی وزیر نیشنل فوڈ سیکیورٹی سکندر حیات بوسن آکھے جو حکومت کئی کنڑک درآمد کائنی کیتی ، کنڑک دی درآمد روکنڑ کیتے ڈیوٹی ودھا تے 60 فیصد کرڈتی گئی ہے ۔ خمیس کوں ایوان بالا دے اجلاس اچ سوالیں دے وقفے اچ سینیٹر چوہدری تنویر خان اتے بئے ارکان دے سوالیں دے جواب اچ انہاں آکھیا جو 2013-14ء اچ کنڑک اُتے درآمدی ڈیوٹی ڈھا فیصد ہئی جیہڑی جو 2015-16ء اچ اے ڈیوٹی ودھاتے 25 فیصد کیتی گئی ہے جیکوں بعد اچ 40 فیصد کرڈتا گئے ، جیکوں ہنڑ ودھا تے 60 فیصد کرڈتا گئے ۔
انہاں آکھیا جو گزریل ترائے سالیں اچ فلور ملز مالکاں ہی کنڑک درآمدی کیتی ہئی جیکوں روکنڑ کیتے ڈیوٹی ودھاڈتی گئی ہے ۔ ایں ویلھے وی ملک اچ کنڑ ک دا وادھو ذخیرہ موجود ہے۔ ای سی سی توں درخواست کیتی ہے جو سندھ اتے پنجاب کوں کنڑک درآمد کرنڑ دی اجازت ڈتی ونجے ۔