"جام پور ماڈل سٹی"منصوبہ 2018ء تئیں پورا تھی ویسی ، چیئرمین

راجن پور(پاکستان نیوز پوائنٹ 12جنوری2016ء) چیئرمین میونسپل کمیٹی جام پور حاجی محمد اکرم قریشی اتے وائس چیئرمین ملک عقیل احمد آرائیں آپنڑیں ہک سانجھے بیان اچ آکھے جو "جام پور ماڈل سٹی"منصوبہ 2018ء تئیں پورا تھی ویسی ۔ ایں منصوبے نال نہ صرف اندرون شہر دیاں سڑکاں کھلیاں کیتیاں ویندیاں پن جڈانجو گلیاں کوں پکا اتے پانڑیں دی نکاسی کیتے پائپاں کوں لاونڑ دا کم وی تیزی نال جاری ہے ۔ ایں طرح شہریاں کوں صاف پانڑیں دی فراہمی کیتے 2فلٹریشن پلانٹ آندے ہفتے اچ کم شروع کرڈیسن۔