رحیم یار خان(پاکستان نیوز پوائنٹ 12جنوری2016ء) چیئرمین ضلع کونسل رحیم یارخان سردار اظہرخان لغاری آکھے جو ٹھوس اتے عملی اقدامات دے ذریعے سارے ضلعے اچ تعمیر و ترقی دے نویں ریکارڈ قائم کریسن۔ لوکیںدے پرانڑیں مسلیاں دا حل پہلی ترجیح ہے جیندے کیتے ساریاں توانائیاں لاڈیسوں ۔ ترقیاتی کماں اچ اراکین ضلع کونسل اتے شہریاں دی رائے کو ںترجیح ڈتی ویسی ۔
آپنڑیں دفتر اچ ضلع کونسل دے رکناں نال گالھ مہاڑ کریندے ہوئیں انہاں آکھیا جواساں ضلع کونسل اچ محبت' بھائی چارے اتے رواداری دی فضاء کو ں ٹریندے ہوئیں اپوزیشن ممبران کوں وی نال گھن تے ٹرسوں اتے کہیں وی جاہ تے کئی تفریق کائناں کریسوں ۔ انہاں آکھیا جو تعمیر وترقی دے حوالے نال انتظامی اداریاں دے نال رل تے ضلعے کوں مثالی بنڑیسوں ۔
