اسلام آباد (پاکستان نیوز پوائنٹ 12جنوری2016ء) وفاقی وزیر خزانہ سینیٹر اسحاق ڈار نال گوگل دی ڈائریکٹر پبلک پالیسی اینڈ گورنمنٹ ریلیشنز این لیوین ملاقات کیتی اتے پاکستان اچ معیشت دی ڈیجیٹلائزیشن اچ گوگل دے تعاون دے امکانات اُتے گالھ مہاڑ کیتی ۔ ایں موقعے تے انہاں گزریل ترائے سالیں اچ پاکستان دی معاشی کارکردگی دی تعریف کریندے ہوئیں آکھیا جو گوگل پاکستان اچ انفارمیشن ٹیکنالوجی دی ترقی، ای کامرس دے فروغ اتے سرمایہ کاری دی ترغیب اچ معاونت فراہم کرسگدے ۔
وفاقی وزیر انہاں کوں ایں بارے جامع منصوبہ پیش کرنڑدا آکھیا جو ایں بارے متعلقہ سانجھے داراں نال صلاح کیتی ونج سگے ۔ انہاں آکھیا جو حکومت ساری مقامی اتے غیرملکی سرمایہ کاراں کوں برابر دے موقعے ڈیونڑ سانگے پر عزم ہے ۔ وزیر خزانہ آکھیا جو بین الاقوامی معروف ادارے پاکستان کوں سرمایہ کاری کیتے ڈوجھا پرکشش مقام قرار ڈیندے پئے ہن ۔ پاکستان اچ معاشی استحکام اتے امن و امان دی چنگی صورتحال اتے توانائی دی فراہمی نال کاروباری سرگرمیاں اتے غیرملکی سرمایہ کاری کیتے ماحول سازگار تھی گئے ۔ ایں موقعے تے فنانس ڈویژن اتے گوگل دے اعلیٰ حکام وی موجود ہن۔
