اسلام آباد(پاکستان نیوز پوائنٹ 12جنوری2016ء) پاکستان مسلم لیگ (ن) دے رہنماتے رکن قومی اسمبلی دانیال عزیز آکھیا جو تحریک انصاف عدالت اچ پاناماکیس تے قلابازی کھا ندی پئی ہے ،وزیراعظم محمد نواز شریف دی پارلیمنٹ اچ تقریر اتے عدالت اچ موقف اچ کوئی تضاد کائنی ۔سپریم کورٹ دے باہروں میڈیا نال گالھ مہاڑ کریندے ہوئیٰں انہاں آکھیا جو مختلف دعوے کرنڑ آلی پی ٹی آئی سانگے ساریں توں اہم ڈینھ اج دا ہئی تے اج ہی انہاں دے ''سٹپنی وکیل'' عدالت اچ پیش کائنی تھے ۔
دانیال عزیز آکھیا جوپہلی واری پاکستان مسلم لیگ (ن) دے وکیل کوں عدالت اچ دلائل ڈیونڑ دا موقع ملیا ہے اتے او ایندا سامنڑاں نی کر سگیے ، پی ٹی آئی دی شکست دیاں نشانیاں سامنڑے آونڑ شروع تھی گیاں ہن۔ انھاآکھیا جو ایندے توں پہلے پی ٹی آئی ولوں الزام عائد کیتا گیا ہا جو الیکشن چوری تھیاجڈاں حقیقت اچ ایجھا کائنی تھیا تے پاکستان دی تاریخ اچ پہلی واری عدالت فیصلہ ڈیندے ہوئیں قرارڈتا جو کوئی دھاندلی کائنی تھی تے عدالت سارے سارے الزامات کوں مسترد کرڈتا۔
