اسلام آباد (پاکستان نیوز پوائنٹ 12جنوری2016ء) سی پیک منصوبہ دنیا اچ جاری ساریں توں وڈا ترقیاتی منصوبہ ہے ، 57 ارب ڈالر مالیت توں ودھ دا پاک چین اقتصادی راہداری منصوبہ پاکستان کو ں تکھی رفتار اقتصادی ترقی دی شاہراہ تے گھن ویسی ،طویل، کشادہ اتے محفوظ سڑکاںدے منصوبے دی تکمےل پاکستانی عوام سانگے روشن مستقبل دی نوید ہوسی۔پلاننگ کمےشن دی دستاوےزات دے مطابق وفاقی حکومت مالی سال 2016-17 دے سرکاری شعبے دے ترقےاتی پروگراماں اچ وزارت مواصلات دے 84 منصوبیں سانگے ہک کھرب 93 ارب 28 کروڑ 52 لکھ 65 ہزار روپے مختص کیتے ہن ،گزریل سال دے چھیکڑ اچ بےجنگ اچ مشترکہ تعاون کمےٹی ( جے سی سی) ٹرانسپورٹ انفراسٹرکچر دے ڈو وڈے منصوبیں ملتان سکھر موٹر وے اتے قراقرم ہائی وے دے حویلیاں تھاکوٹ سیکشن کوں سی پیک سانگے اہم سنگ میل قرار ڈیندے ہوئیں ایں کم دی تکھی رفتار تے ایں ضمن پاکستانی حکومت ولوں کیتی ونجنڑ آلی سیکیورٹی تے بئے انتظامی اقدامات تے اطمینان دا اظہار کیتا ہے ۔
جے سی سی روڈ انفراسٹرکچر دے ترائے منصوبیں دی منظوری ڈیندے ہوئیںایندی فوری فنانسنگ سانگے متعلقہ اداریں کو ں ساری کاروائی کرنڑ دی ہدایت جاری کیتی ہے ، منصوبیں اچ سی پیک روٹ تے قراقرم ہائی وے تھاکوٹ توں رائیکوٹ136کلومیٹرشاہراہ دی بحالی، بلوچستان دے عوام سانگے اہم منصوبے خضدار ۔بسیمہ شاہراہ اتےمغربی روٹ تے ڈیرہ اسماعیل خان ژوب روڈ دی اپ گریڈیشن دا منصوبہ شامل ہے۔
