اسلام آباد (پاکستان نیوز پوائنٹ 12جنوری2016ء) وزیراعظم محمد نواز شریف آکھیا ہے گزریل ترائے سالاں دے دوران پاکستان دی اقتصادی شرح نمو 4.84توں ودھ رہی ،ملک اچ سرمایہ کاراں سانگے ودھ سرمایہ کاری دے موقع موجود ہن ،کرغزستان اتے پاکستان کاریک دے ارکان ہوونڑ دے ناطے خطے اچ ٹرانسپورٹ ، توانائی ، تجارتی پالیسی تے تخفیف غربت اچ سہولت دے چار ترجیحی شعبیں اچ اہداف حاصل کرسگدے ہوں۔
انہاں اے گالھ جمہوریہ کرغزستان دے وزیر اقتصادیات جوشیوارزیبک اتے زوبیکوچ دی قیادت اچ خمیس کوں وزیر ا عظم ہاﺅس اچ ملاقات کرنڑ آلے وفد نال گالھ مہاڑ کریندے ہوئیں آکھی۔ وزیر اعظم کرغز وفد کوں ڈسیا جو پاکستان اہم اصلاحاتی پروگرام تے عمل پیرا ہے جیں دامقصد مالیاتی استحکا م، مقامی وسائل دی تحریک ،سبسڈیز کوں مرحلہ وار ختم کرنڑ ، بجلی تے بئے سرکاری شعبیں دی تشکیل نو اتے سماجی تحفظ دے نظام کوں تقویت ڈیونڑ ہے ۔
انہاںآکھیا جوعلاقائی مواصلاتی روابطے دے دا ودھارپاکستان دی حکومت دی ترقیاتی حکمت عملی دے ست ستوناں اچوں ہک ہے تے حکومت ایں اقدام دی سرگرمی دی پیروی کریندی پئی ہے جیرھا جو ایشیا اچ ترقی دے ترائے محرکات جنوبی ایشیا، چین اتے وسطی ایشیا کو ںہم آہنگ کرنڑ دی صلاحیت رکھیندا ہے ۔ڈو طر فہ تعلقات دے حوالے نال گالھ مہا ڑکریندے ہوئیں وزیر اعظم آکھیا جو پاکستان کرغزستان حکومت دی ترقی پسند پالیسیاں کوں سرہیندا ہے، پاکستان دے عوام کرغزستان دی ترقی کوں ڈکھ تے خوش ہن۔
انہاںآکھیا جوکرغزستان اتے پاکستان وسطی ایشیا علاقائی اقتصادی تعاون (کاریک)دے ارکان ہن تے خطے اچ ٹرانسپورٹ ، توانائی ، تجارتی پالیسی تے تخفیف غربت اچ سہولت دے چار ترجیحی شعبیں اچ ”کاریک “دے اہداف حاصل کرسگدے ہن۔ وزیر اعظم وفد کوں ڈسایا جو پاکستان اچ بجلی دی گھٹکی کوں پرے کرنڑ سانگے”کاسا 1000 “داکردار اہم ہے ۔
