وزیر مملکت اطلاعات تے نشریات مریم اورنگزیب دی سپریم کورٹ دے باہر میڈیا نال گالھ مہاڑ

وزیر مملکت اطلاعات تے نشریات مریم اورنگزیب دی سپریم کورٹ دے باہر میڈیا نال گالھ مہاڑ

اسلام آباد (پاکستان نیوز پوائنٹ 11جنوری2016ء) وزیر مملکت اطلاعات،نشریات تے قومی ورثہ مریم اورنگزیب ' اسلام آباد دے سکولوںدے بالاں بالڑیاں سانگے وزیر اعظم ولوں 200بساں دے تحفے تے اہلیان شہر کوں مبارک باد ڈیندیں ہوئیں آکھیا جو عمران خان کوں وی مبارکباد جو اج ہک بئیا فیتہ کٹ گئیا،ولا وی عوام سانگے فلاحی اتے ترقیاتی کماں دے فیتے کٹیندے رہسن ،خان صاحب آپ پانامہ کیس دے بعد کیا کریسو کیونجو تساڈی سیاست کٹیندی پئی اے،عدالت دے باہر عدالت لاونڑ آلیاں دے ہتھ مایوسی توں سوا کجھ نی امدا۔

ہنڑ وی ویلھا اے سبق سکھو اتے خیبر پختونخواہ دی عوام نال کیتے گئے وعدے کوں پورا کرو۔بدھ کوں اتھاں میڈیا نال گالھ مہاڑ کریندیں ہوئیں انہاں آکھیا جو اج عدالت عظمیٰ اچ اساڈ ے وکیلاں دلائل شروع کر ڈتن اتے عدالت عظمیٰ کوں سارے ثبوت اتے شواہد پیش کر ڈتے گئن کیونجو جینویں جو وزیراعظم آکھیا ہا جڈانجو وی کوئی مستند فورم ہوسی تا ں سارے ثبوت پیش کر ڈتے ویسن ،۔خان صاحب تساں جو پارلیمان اچ دستاویزات لہرائی اتے آکھیا جو اے ہے ثبوت،او کیڈے گئے ،ہنڑ آکھدو جو پانامہ کوں ہک پاسے رکھ ڈیو اتے وزیراعظم دی تقریر تے گالھ کرو۔