اسلام آباد (پاکستان نیوز پوائنٹ 09جنوری2016ء) صدر مملکت ممنون حسین آکھیاجو چین پاکستان اقتصادی راہداری توں بھرپور فائدہ سانگے نویں نسل دا کردار اہم اے اتے پاکستان اچ پیدا تھیونڑ آلے نویں امکانات توں فائدہ چاونڑ سانگے طلبہ کوں خود بھرپور انداز اچ تیاری کرن۔انہاں اے گالھ سنوار کوں ایوان صدر اچ سندھ مدرس الاسلام یونیورسٹی کراچی دے طلباء نال گالھ مہاڑ کریندیں ہوئیں آکھی جئیں اچ وزیر مملکت برائے تعلیم اتے پروفشنل ٹریننگ انجنیئر بلیغ الرحمن تے وائس چانسلر ڈاکٹر محمد علی شیخ توں انج اعلیٰ حکام شریک تھیے۔
صدر مملکت کوں سندھ مدر الاسلام یونیورسٹی توں نسبت پاروں ڈوجھے اداریاں توں ممتاز مقام حاصل اے۔انہاں آکھیا جو یونیورسٹی معیاری تعلیم دے ودھارے سانگے آپنڑاں کردار نبھیندی پئی اے۔لوڑھ ایں گالھ دی اے جو طلباء خود کوں جدید تعلیم توں آراستہ کر تے معاشی ترقی اچ آپنڑاں فعال کردار نبھاون ۔صدر مملکت ادارے ولوں شروع کیتے گئے نیشنل لیڈر شپ پروگرام تے مسرت دا اظہار کریندیں ہوئیں آکھیا جو مستقبل اچ ایں پروگرام نال نینگر طبقہ کوں بہوں فائدہ ملسی اتے نینگراں کوں آپنڑی صلاحیتاں اجاگر کرنڑ دا موقع ملسی۔
