بھارت دی حکومت دہشتگردی دے بل بوتے تے برسراقتدار آئی ، مقبوضہ کشمیر اچ وی اوہو رویہ ہے،ڈاکٹر فاروق احمد

بھارت دی حکومت دہشتگردی دے بل بوتے تے برسراقتدار آئی ، مقبوضہ کشمیر اچ وی اوہو رویہ ہے،ڈاکٹر فاروق احمد

اسلام آباد (پاکستان نیوز پوائنٹ 09جنوری2016ء) بین الاقوامی امور دے ماہر ڈاکٹر فاروق احمد آکھیا جو بھارتی حکومت دہشت گردی دے بل بوتے تے اقتدار اچ آئی اتے مقبوضہ کشمیر اچ وی انہاں دا اوہو رویہ ہے ۔ذرائع ابلاغ نال گالھ مہاڑ کریندے ہوئیں انہاں آکھیا جو بھارت مقبوضہ کشمیر اچ تشدد تے انتہا پسندی دیاں حداں پار کر گیا ہے ،وادی کشمیر ایجھا علاقہ ہئی جتھاں ہندو مسلم اتے سکھ ہکے ویلھے پر امن زندگی گزریندے پے ہن اتھاں دے لوکاں دا حق خود ارادیت سیکولر بنیاداں تے اگی تے ودھ سگدا ہئی جیں نال ہر مذہب دے لوکاں کوں فائدے حاصل تھی سگدے ہن ۔

انھاں آکھیا جو بھارت وادی اچ ظلم دی انتہا کریندے ہوئیں لوکاں توں نقل و حرکت ،حق اظہار رائے تے میڈیا تے پابندی لاتے نفرت کھنڈائی تے ایہا وجہ دے جو کشمیری نینگر گزریل ترائے مہینے توں تحریک چلیندے پے ہن انہاں دا آکھنڑ ہے جو ہنڑ حق خود ارادیت کوں حاصل کیتے بغیر آرام نال نہ بہسوں ۔