اسلام آباد (پاکستان نیوز پوائنٹ 05جنوری2016ء) وفاقی وزیر خزانہ سینیٹر اسحاق ڈارآکھیا جو حکومت ٹیکس چوری کوں کہیں صورت برداشت کائنا کریسی،آونڑ آلا ویلھا ٹیکس نہ ڈیونڑ سانگے بہوں اوکھا ہوندے جڈانجو ٹیکس گزاراں کوں ہر ممکن آسانی اتے سہولت ڈتی ویسی۔او خمیس کوں اتھاں ٹیکس سال2015ء دے آڈٹ بارے تھیونڑ آلی قرعہ اندازی دی تقریب نال خطاب کریندے پئے ہن۔
انہاں آکھیا جو کمپیوٹر قرعہ اندازی اچ ٹیکس آڈٹ سانگے جئیں ٹیکس گزراں دے ناں چنڑیے گئن انہاں کوں پریشان تھیونڑ دی لوڑھ کائنی ۔انہاں آکھیا جو حکومت دی بھرپور کوشش دے نتیجے اچ پاکستان اکنامک تعاون اتے ترقی سانگے کثیر الجہتی ادارہ او ای سی ڈی دا رکن بنڑ گئے ،ہنڑ پاکستان کوں دنیا اچ کہیں وی ٹیکس چوراں بارے معلومات تئیں رسائی مل ویسی۔اسحاق ڈار آکھیا جو ایہو وجہ اے جو ٹیکس چوراں سانگے ہنڑ کوئی رستہ کائنی ،انہاں کوں ہر صورت دیانتداری نال آپنڑے ٹیکس ادا کرنڑے چاہیدن نتاں انہاں دے خلاف قانونی کاروائی دا سامنڑاں کرنڑاں پمسی۔
