دشمن بلوچستان اچ بد امنی کھنڈاونڑ چاہندے جئیں کوں پاکستان ناکام بنڑا ڈتے،بلوچستان اچ ہر قیمت تے امن قائم تھیسی،بلوچستان دی ترقی پاکستان دی ترقی اے،

راولپنڈی(پاکستان نیوز پوائنٹ 05جنوری2016ء) پاک فوج دے سربراہ جنرل قمر جاوید باجوہ آکھیا جو دشمن بلوچستان اچ بد امنی کھنڈاونڑ چاہندے جئیں کوں پاکستان ناکام بنڑا ڈتے،بلوچستان اچ ہر قیمت تے امن قائم تھیسی،بلوچستان دی ترقی پاکستان دی ترقی اے،پاک چین اقتصادی راہداری منصوبہ بلوچستان سمیت پورے ملک دی تقدیر بدلنڑ اچ اہم کردار نبھیسی۔او خمیس کوں بلوچستان یونیورسٹی آف انجینئرنگ اینڈ ٹیکنالوجی خضدار اچ سی پیکب بارے سیمینار نال خطاب کریندے پئے ہن ۔

پاک فوج دے شعبہ تعلقات عامہ(آئی ایس پی آر) دے مطابق سیمینار اچ وزیر اعلی بلوچستان نواب ثناء اللہ زہری 'وائس چانسلر پروفیسر بریگیڈئیر محمد امین 'کمانڈر سدرن کمانڈ لیفٹیننٹ جنرل عامر ریاض سمیت بئے حکام موجود ہن ۔آرمی چیف جنرل قمر جاوید باجوہ آکھیا جو سی پیک بارے سیمینار دا تعلق براہ راست پاکستان دے روشن مستقبل نال اے،سیمینار دے چنگے ثمرات نکلسن۔انہاں آکھیا جو پاک فوج صوبے اچ صحت اتے تعلیم دے شعبیاں اچ وی آپنڑی خدمات نبھیندی پئی اے۔انہاں آکھیا جو پاک فوج موثر انداز اچ اندرلے اتے باہرلے چیلنجز نال نبڑدی پئی اے۔