اسلام آباد (پاکستان نیوز پوائنٹ 05جنوری2016ء) وزیراعظم محمد نواز شریف آکھیا جو وطن عزیز توں دہشت گردی دا خاتمہ کر تے امن آشتہ دا گہوارہ بنڑیسوں،ایں بارے ساریاں توں ودھ کردار ،ادیباں،شاعراں اتے اہل علم تے دانش دا اے،آپریشن ضرب عضب دے نال نال آپریشن ضرب قلم دی وی بہوں لوڑھ اے،اساں زبان تے بیان دا سلیقہ بھلدے ویندوں،اساڈا لب و لہجہ کرخت تھی گئے ،دل آزاری دے الفاظ عام تھی گئن ،اے رویے جیڑھے جو میڈیا دے ہک حصے دے ذریعے عام تھیندے پئن اساڈی نسل کوں متاثر کریندے پئن ۔
ادیباں اتے دانشوراں کوں ایں مسئلہ آلے پاسے توجہ ڈیونڑی چاہیدی اے،علم تے ادب دے ودھارے دے اداریاں اتے اہل علم کوں درپیش مسئلیاں دے حل سانگے 50کروڑ روپے دے انڈومنٹ فنڈدا اعلان کرینداں،قومی تریخ اتے ادبی ورثہ کوں نہ صرف محفوظ بنڑاونڑ جڈانجو نویں نسلاں کوں وی منتقل کرنڑ دی لوڑھ اے۔او خمیس کوں ا اکادمی ادبیات پاکستان پاروں چوتھی بین الاقوامی اہل قلم کانفرنس نال خطاب کریندے پئے ہن ۔
ایں موقع تے وزیر اعظم د ے مشیر برائے قومی تے ثقافتی ورثہ عرفان صدیقی وی موجود ہن ۔وزیر اعظم آکھیا جو انہاں کوں اہل علم و دانش دی خوبصورت کانفرنس تے خوشی اے،اہل قلم کہیں وی معاشرے دا ساریاں توں قیمتی اثاثہ ہوندن،اہم قلم نہ صرف زمانہ حال تے نظر رکھیندن جڈانجو انہاں دی نگاہ آونڑ آلے ویلھے کوں وی ڈیکھدی پئی ہوندی اے ۔
