حکومت پنجاب ولوں طرف بی کیٹیگری کالجز دی سکیورٹی سانگے 300ملین روپے دی منظوری

حکومت پنجاب ولوں طرف بی کیٹیگری کالجز دی سکیورٹی سانگے 300ملین روپے دی منظوری

ملتان(پاکستان نیوز پوائنٹ 04جنوری2016ء) حکومت پنجاب ولوں پورے صوبے دے بی کیٹیگری کالجز دی سکیورٹی دے سلسلے اچ 300ملین روپے دے فنڈز جاری کرنڑ دی منظوری ڈتی گی ہے جیں اچ ملتان دے ترائے کالج شامل ہن،ڈائریکٹوریٹ کالجز ملتان ڈویژن دے مطابق حکومت پنجاب ولوںہائرایجوکیشن پنجاب کوں جاری 30دسمبردے مراسلے دے تحت مجموعی طورتے صوبے دے 119کالجز دی چاردیواری دی تعمیر یا انہاں کوں اچا کرنڑ ، خاردار تار لاونڑ تے پولز دی تنصیب سانگے فنڈز ریلیز کرنڑ دی منظوری ڈتی گی ہے ،ڈائریکٹوریٹ ملتان دے انتظام نال کم کرنڑ آلے ترائے کالجاں اچ گورنمنٹ سید نصر الدین شاہ ڈگری کالج فار بوائز گوگڑاں ضلع لودھراں سانگے 1.585ملین روپے،گورنمنٹ گرلز ڈگری کالج ٹبہ سلطان پور وہاڑی سانگے 2.019ملین روپے اتے گورنمنٹ گرلز ڈگری کالج مخدوم رشید سانگے 1.744ملین روپے دی منظوری ڈتی گی۔