اسلام آباد (پاکستان نیوز پوائنٹ 04جنوری2016ء) اسلام آباد اتے راولپنڈی سمیت اتلے پنجاب، گوجرانوالہ، سرگودھا، لاہور ڈیژن، فاٹا، خیبر پختونخوا،کوئٹہ، ژوب ڈویژن ، گلگت بلتستان اتے کشمیر اچ کجھ جہیں تے وقفے وقفے نال جاری بارش اتے پہاڑاں تے برفباری آندے ہفتے تئیں جاری رہنڑ دا امکان ہے۔پی ٹی وی دے مطابق گزریل 24 گھنٹے دے دوران اسلام آباد اتے راولپنڈی سمیت اتلے پنجاب،خیبر پختونخوا،فاٹا، گلگت بلتستان تے کشمیر اچ کہیں کہیں جاہ تے ہلکی بارش اتے برف باری دا سلسلہ جاری رہیا جیں نال سردی دی شدت اچ وادھا تھیا جڈاں جو ملک دے بئے علاقیاں اچ موسم رکھا رہیا ۔
ساریں توں ودھ مینھ دیر اچ 49ملی میٹر ریکارڈ کیتی گی ۔آندے 24گھنٹے دے دوران اسلام آباد اتے راولپنڈی سمیت اتلے پنجاب، گوجرانوالہ، سرگودھا، لاہور ڈیژن، فاٹا، خیبر پختونخوا،کوئٹہ، ژوب ڈویژن، گلگت بلتستان اتے کشمیر اچ کتھائیں کتھائیں کھمنڑ نال مینھ تے پہاڑاں تے برف پوونڑ دا امکان ہے جڈاں جو ملک دے بئے علاقیں اچ موسم رکھا تے پنجاب دی میدانی علاقیں اتے اتلے سندھ اچ رات تے سویل دے ویلھے کوہیڑ دا سلسلہ جاری رہنڑ دا امکا ن ہے ۔محکمہ موسمیات دے مطابق اتلے پنجاب، فاٹا، خیبر پختونخوا،کوئٹہ،گلگت بلتستان اتے کشمیر اچ کجھ جہیں تے وقفے وقفے نال جاری بارش تے برف دا سلسلہ آندے ہفتے دے ڈینھ تئیں جاری رہسی ۔
