پرائم منسٹر نیشنل ہیلتھ پروگرام دے مزید 11ضلعیں اچ اجرا دی منظور ی

عوام تئیں معیاری صحت دیاں سہولتاںدی رسائی اساں ساریں دی اولین ذمے واری ہے ایں سلسلے اچ سانجھیاں کوششا ں کیتیاں ویسن ،سائرہ افضل تارڑ

پرائم منسٹر نیشنل ہیلتھ پروگرام دے مزید 11ضلعیں اچ اجرا دی منظور ی
عوام تئیں معیاری صحت دیاں سہولتاںدی رسائی اساں ساریں دی اولین ذمے واری ہے ایں سلسلے اچ سانجھیاں کوششا ں کیتیاں ویسن ،سائرہ افضل تارڑ

اسلام آباد (پاکستان نیوز پوائنٹ 04جنوری2016ء) پرائم منسٹر نیشنل ہیلتھ پروگرام دے موجودہ 23ضلعیں دے علاوہ مزید 11ضلعیں اچ اجرادی منظور ی ڈے ڈتی گی ہے۔ ایں حوالے نال وزیر نیشنل سروسز سائرہ افضل تارڑ آکھیا جوعوام تئیں معیاری صحت دیاں سہولتاں دی رسائی اساں ساریں دی پہلے ذمے واری ہے ایں سلسلے اچ سانجھیاں کوششاں کیتیاں ویسن۔ انہاںآکھیا جو وفاق اتے صوبیں رل دے صحت دے شعبے اچ اہم سنگ میل حاصل کیتے ہن جیں اچ ماء تے بال دی صحت دے حوالے نال ایکشن پلان دے تحت وفاق صوبیں سانگے بین الاقوامی اداریں توں ودھ ساری رقم حاصل کیتی ہے۔

ایندے علاوہ حال اچ ہی بین الصوبائی مشاورت نال قومی ہیلتھ ویژن 2025 دی تشکیل ہک اہم سنگ میل ہے۔ انہاںآکھیا جو انہاں دی وزارت 2013ء توں ہنڑ تئیں مختلف پروگرام دے حوالے نال صوبیں سانگے وسائل دا انتظام کیتا ہے تے اپنڑے مینڈیٹ دے تحت بین الاقوامی ایجنسیاں توں کامیاب کیتے ہن ۔انہاں ڈسایا جو بین الاقوامی ریگولیشن دے تحت بیماریاں دی بین السرحدی روک تھام اساڈی ذمے واری ہے اتے اساڈی وزارت کلیدی کردار ادا کریندی پئی ہے ۔وزیرصحت مستحکم ترقیاتی اہداف سانگے دے حصول سانگے صوبیں توں کوششاں تکھیاں کرنڑ سانگے آکھیا ہے جو ۔انہاں آکھیاپرائم منسٹر نیشنل ہیلتھ پروگرام دے تحت موجودہ 23 ضلعیں دے علاوہ مزید ضلعیں اچ پروگرام دے اجرا دی منظوری ڈے ڈتی ہے ۔