اسلام آباد (پاکستان نیوز پوائنٹ 03جنوری2016ء) شیخوپورہ اچ کار اتے مسافر ویگن اچ تصادم دے بعد ویگن دا سلنڈر پھٹ ونجنڑ پاروں7بندے جاں بحق جڈاں جو20زخمی تھی گے ہن۔ نجی ٹی وی دے مطابق شیخوپورہ دے نیڑے علاقے سالار سعید اچ سرگودھا روڈ تے مخالف سمت اچ آونڑ آلے تکھی رفتار کار مسافر ویگن نال ٹکر ا گی جیں پاروں ڈوہیں گاڈیاں اچ بھاہ لگ گئی ویگن دا سلنڈر پھٹ گیا ،حادثے اچ 7بندے جاں بحق تے 20زخمی تھی گے ۔
ریس کیو حکام دے مطابق زخمیاں تے جاں بحق لوکاں دیاں لاشاں کوں وختی طور تے نیڑے ہسپتال اچ منتقل کر ڈتا گیا ہے جتھاں کجھ زخمیاں دی حالت نازک ڈسائی ویندی ہے جیں پاروں ہلاکتاں دا ڈر ہے ۔جاں بحق تھیونڑ آلیں اچ ماجد ولد لطیف،حلیمہ بی بی جڈاں جو زخمیاں اچ ہکے خاندان دے 6 بندے شائستہ زوجہ اشتیاق،انس ،ادریس ،مہک اشتیاق،ثناءزوجہ غلام مصطفیٰ،محمد فیضان ولد غلام مصطفیٰ تے بئے مسافر شامل ہن ۔
