اسلام آباد (پاکستان نیوز پوائنٹ 02جنوری2016ء) پاکستان مسلم لیگ (ن) دے رکن قومی اسمبلی ڈاکٹر درشن قومی اسمبلی اتے سینٹ دی قائمہ کمیٹی اچ ہندو میرج بل دی منظور ی کوں ہندو برادری سانگے ہک وڈی کامیابی قرار ڈتا ہے ۔سنوار کوں اتھاں جاری بیان اچ انہاں آکھیا جوہندو میرج بل انہاں وڈی محنت تے لگن نال تیار کرتے قومی اسمبلی اچ پیش کیتی ہئی ،ایں بل دے منظور ی نال ہندو برادری دا بہوں پرانڑاں مسئلہ حل تھی ویسی ۔
ڈاکٹر درشن آکھیا جو مسلم لیگ ن دی حکومت اچ ملک اچ غیر مسلماں سانگے وی ہکو جیہاں پالیسیاں پاتیاں ویندیاں ہن اتے اساڈی حکومت دا اے مننڑ ہے جو ملک اچ رہنڑ آلے سارے لوک ہکو جہیے ہن اتے ساریں کوں ہکو جہے حقوق ملنڑے چاہیدے ہن انہاں آکھیا جو ملک وزیرا عظم نواز شریف دی قیادت اچ ترقی دیاں نویاں منزلاں طے کریندا پے ۔
