پاکستان افغانستاں اچ مستحکم امن چاہندے،دفاعی تجزیہ کار

اسلام آباد (پاکستان پوائنٹ نیوز۔26 جولائی۔2016) دفاعی تجزیہ کار لیفٹیننٹ جنرل (ر)رضا محمد خان آکھیا ہے جو پاکستان افغانستان اچ امن چاہندا ہے ۔ریڈیو پاکستان نال گالھ مہاڑ کریندے ہوئیں انہاں آکھیا جو ایں گالھ اچ کوئی شک کائنی جو پاکستان تے افغانستان اچ مستحکم امن چاہندے ۔انھاں آکھیا جو انہاں کوں کابل اچ دہشت گرد حملے اچ قیمتی جاناں دے ضیان تے ڈکھ تھیا ہے ۔انھاں آکھیا جو افغانستان اچ امن دے قیام سانگے ڈوہیں ملکاں دیاں حکومتاں کوں رل تے کم کرنڑ دی ضرورت ہے ۔