اسلام آباد (پاکستان نیوز پوائنٹ 30دسمبر2016ء) وزیراعظم محمد نواز شریف آکھیا ہے جو پاکستان دے عوام کوں درپیش مسلیں دے حل سانگے موجودہ حکومت دیاں ودھ ساریاں کوششاں اتے لگن نال چنگے نتیجے بر آمد تھیے ہن بجلی دے وڈے وڈے منصوبہ جات دے نال نال ملکی تے علاقائی مواصلاتی منصوبیں تے تکھے کم جاری ہے جیں نال ملک دا منظر نامہ بد ویسی ۔انہاں اے گالھ جمعے کوں رکن قومی اسمبلی چوہدری محمد طفیل نال ایوان وزیراعظم اچ ملاقات کریندے ہوئیں آکھی ۔
وزیراعظم آکھیا جو حکومت دی ترقیاتی تے فلاحی سکیماں دا مقصد عوام دی سماجی تے اقتصادی بہبود اتے پاکستان کوں ہک ترقی یافتہ تے خوشحال ملک بنڑاونڑ ہے جتھاں ہر شہری کوں ہکو جے مواقع دستیاب ہوون ۔وزیراعظم ایں امر تے زور ڈتا جو عوام دے نمائندیں کوں اپنڑے حلقے دے لوکاں دے نال فعال رابطے اچ رکھنڑاں چاہیدا ہے تاں جو انہاں کوں درپیش مسلیں بارے پتہ ہووے۔ چوہدری محمد طفیل وزیراعظم محمد نواز شریف دے قائدانہ کردار کوں چنگاں اکھیندے ہوئیں آکھیا جو موجودہ حکومت اقتدار سانبھیا تاں ملک کوں کئی چیلنج درپیش ہن لیکن قیادت انہاں چیلنج نال مادر وطن کوں کامیابی نال کڈھیا تے مسلیں تے قابو پاتا ۔ ملاقات دے دوران وزیراعلیٰ پنجاب دے مشیر ریونیوچوہدری محمد ارشد جٹ وی موجود ہن۔
