پیپلز پارٹی دی حکومت بے نظیر دے قاتلاں کوں نہ پکڑ سگی،مسلم لیگ ن عوام توں اعتماد دا ووٹ گھن کراہیں حکومت بنڑائی اے، و فاقی پارلیمانی سیکرٹری اطلاعات و نشریات بیرسٹر محسن شاہ نواز رانجھا دا بیان

اسلام آباد (پاکستان نیوز پوائنٹ 28دسمبر2016ء) وفاقی پارلیمانی سیکرٹری اطلاعات و نشریات بیرسٹر محسن شاہ نواز رانجھا آکھیا جو پاکستان پیپلز پارٹی دے چیئرمین بلاول بھٹو زرداری بچگانہ سوچ دے مالک ہن ،انہاں لفظ سہولت کار دے مطلب دا پتہکائنی ،محترمہ دی شہادت پاکستانی سیاسی تریخ دا سیاہ باب اے،محترمہ دی جمہوریت دی بحالی سانگے خدمات یاد رکھیاں ویسین۔افسوس ایں گالھ دا اے جو پی پی پی دی حکومت وی انہاں دے قاتلاں کوں کائنی پکڑ سگی۔بدھ کوں جاری بیان اچ انہاں آکھیا جو مسلم لیگ ن عوام توں اعتماد دا ووٹ گھن کراہیں حکومت بنڑائی اے۔انہاں آکھیا جو آصف زرداری اتے بلاول بھٹو دا پارلیمنٹ اچ آونڑ دا عزم پارلیمنٹ تے اعتماد دا ثبوت اے،انہاں کوں خوش آمدید آکھیاویسی۔