رحیم یار خان(پاکستان نیوز پوائنٹ 27دسمبر2016ء) ڈسٹرکٹ بار الیکشن 2017سانگے الیکشن بورڈ تشکیل ڈے ڈتا گیا ہے جیں دے چیئرمین سابق صدر بار سردار حسن خان نیازی ایڈوکیٹ جڈاں جو سینئر وکیل جام عبدالمجید لاڑ اتے شاہد محمود چوہدری ایندے ممبر ہوسن۔انہاں خیالاںدا اظہارڈسٹرکٹ بار اچ صدر بار سردار سلیم خان جتوئی ایڈوکیٹ اتے جنرل سیکر ٹری سید فہد صہیب شاہ ایڈوکیٹ میڈیا نال گالھ مہاڑ کریندے ہوئیں کتیا انہاں آکھیا جو صاف شفاف الیکشن کرواونڑ ذمے واری دا کم ہے ایں سانگے اساں سردار حسن خان نیازی ایڈوکیٹ کوں چیئرمین مقرر کیتا ہے ، انہاں پچھلے سال وی شفاف انداز اچ الیکشن کروا تے ذمے واری دا ثبو ت ڈتا ہے ،ایں موقع تے سردار حسن خان نیازی ایڈوکیٹ آکھیا جو میں انشاءاللہ بار دی توقعات تے پورا لہنڑ دی کوشش کریساں اتے شفاف انداز اچ الیکشن کراونڑ میڈی ترجیح اچ شامل ہوسی۔
