سی پیک بارے سانجھی رابطہ کمیٹی دا اجلاس خمیس کوں بیجنگ اچ تھیسی ،

وفاقی وزیر منصوبہ بندی تے ترقی احسن اقبال پاکستانی وفد دی قیادت کریسن ،سارے صوبیاں دے وزراءاعلیٰ وی اجلاس اچ شریک ہوسن

سی پیک بارے سانجھی رابطہ کمیٹی دا اجلاس خمیس کوں بیجنگ اچ تھیسی ، 
وفاقی وزیر منصوبہ بندی تے ترقی احسن اقبال پاکستانی وفد دی قیادت کریسن ،سارے صوبیاں دے وزراءاعلیٰ وی اجلاس اچ شریک ہوسن

اسلام آباد (پاکستان نیوز پوائنٹ 26دسمبر2016ء) چین پاکستان اقتصادی راہداری(سی پیک) بارے سانجھی رابطہ کمیٹی دا اجلاس خمیس کوں بیجنگ اچ تھیسی ۔ وفاقی وزیر منصوبہ بندی تے ترقی احسن اقبال پاکستانی وفد جڈانجو چین دی قومی ترقی اتے اصلاحات دے نائب چیئرمین آپنڑیں ملک دے وفد دی اگوانڑیں کریسن ۔ وفاقی حکومت دی دعوت تے سارے صوبائی وزراءاعلیٰ وی اجلاس اچ شریک تھیسن ۔

اجلاس اچ چین پاکستان اقتصادی راہداری دے مختلف جاری اتے نویں منصوبیاں تے غورکیتا ویسی ۔ سانجھی کمیٹی دے اجلاس توں پہلے بدھ کوں ڈوہائیں ملکاں دے اعلیٰ حکام دا وی ہک اجلاس تھیسی ۔ اجلاس دے مقاصد بارے احسن اقبال آکھیا جو چین پاکستان اقتصادی راہداری دنیا اچ علاقائی تعاون دا ساریاں توں وڈا منصوبہ ہے ، اتے ایندے اُتے تھیونڑآلی اگوہیں نال پاکستان دے دوست خوش تے دشمن پریشان ہن ۔ انہاںآکھیا جو ایں قومی منصوبے کوں سیاست دی نذر نہیں کرنڑاں چاہیدا، کیونجو ایں منصوبے دی کامیابی دا انحصار اساڈے اتحاد اتے عزم اُتے ہے ۔ ۔