جون دے دوران پٹرولیم دیاں درآمدات اچ 23فیصد گھٹکی

اسلام آباد (پاکستان پوائنٹ نیوز۔25 جولائی۔2016) جون 2015دے مقابلے اچ جون 2016دے دوران پٹرولیم دی ملکی در آمدات اچ 23فیصد دی گھٹکی تھی ہے ۔ادارہ برائے شماریات پاکستان (پی بی ایس) دی رپورٹ دے مطابق جون 2015دے دوران کروڈ پٹرولیم دی ملکی درآمدات دا حجم 20.3 ملین ڈالر ریکارڈ کیتا گیا ہا جڈاں جو جون2016دے دوران کروڈ پٹرولیم دی قومی در آمدات دا حجم 15.7ملین ڈالر تئیں گھٹ تھی گیا ۔اینویں جون 2015دے مقابلے اچ جون 2016دے دوران کروڈ پٹرولیم دی ملکی در آمدات اچ 23فیصد گھٹکی تھی ہے جیں نال قیمتی زر مبادلہ دی بچت نال قومی خزانے تے چنگے اثرات پمسن ۔