بارہ سال دا مصری گھوٹ10 سال دی کنوارنال شادی کر گھدی

بارہ سال دا مصری گھوٹ10 سال دی کنوارنال شادی کر گھدی

قاہرہ (پاکستان پوائنٹ نیوز۔25 جولائی۔2016) مصراچ 12 سال دے بال دی10 سال دی بالڑیں نال شادی کر ڈتی گی ۔مصری ذرائع ابلاغ دے مطابق الدقھلیہ گورنری دے بلقاس شہر اچ المعصرہ دی جاہ تے اے انوکھی شادی انجام پاتی۔ گھوٹ دے والد سعید عبدالعزیز اپنڑے پتر فارس عزیز دی شادی ہک 10 سال دی بالڑی نینسی دے نال کرائی ۔ ننھے گھوٹ تے کنوار دی شادی دی تقریب اچ اہل علاقہ تے ڈوجھے قصبیں دے لوکاں وڈی تعداد اچ شرکت کیتی ۔

اطلاعات ہن جو گھوٹ دے پیوں ایں موقع تے خوب ’نقوط‘ جمع کیتے ہن۔خیال رہے جو مصر اچ ”النقوط“ ایں رقم یا تحفے کوں آکھیا ویندا ہے جو شادی دے موقع تے گھوٹ کنوار کوںڈتے ویندے ہن ۔کجھ شہریاں گھٹ عمر دے بالاں دی شادی کوں تنقید دا نشانہ وی بنڑایا ۔ ناقدین داآکھنڑ ہے جو انہاں لوکاں بالاں دی شادی کراڈتی ایندے تے مزید اے شادی دے موقع تے موسیقاراں اتے رقاصاں دی وڈی تعداد کوں سڈ تے اینکوں ہک عیش تے نشاط دی تقریب بنڑا ڈتا ہا۔