اسلام آباد راولپنڈی سمیت اتلے پنجاب، خیبر پختونخوا ، سندھ دے ساحلی علاقیاں اچ کتھائیں کتھائیں تکھی ہوا تے کھمنڑ نال مینھ ،

اسلام آباد(پاکستان پوائنٹ نیوز۔25 جولائی۔2016) محکمہ موسمیات دے مطابق اسلام آباد راولپنڈی سمیت اتلے پنجاب، خیبر پختونخوا ، سندھ دے ساحلی علاقیاں اچ کتھائیں کتھائیں تکھی ہوا تے کھمنڑ نال مینھ ، مالاکنڈ، ہزارہ ڈویژن، گلگت بلتستان تے کشمیر اچ کجھ جہیں تے لینڈ سلائیڈنگ دا ڈرہے ۔پی ٹی وی دی رپورٹ دے مطابق گزریل 24گھنٹے دے دوران اسلام آبادتے راولپنڈی سمیت اتلے پنجاب،گوجرانوالہ، لاہور، سرگودھا، فیصل آباد،پشاور، مالاکنڈ، ہزارہ، مردان، کوہاٹ،ژوب ڈویژن، فاٹاتے کشمیراچ کجھ جہیں تے تکھی ہوا دے نال مینھ وسیا ۔

ساریں توں ودھ مینھ جہلم اچ 17ملی میٹر ریکارڈکیتی گی،ملک دے بئے علاقیاں اچ موسم رکھا تے گرم رہیا ۔ساریں توں ودھ درجہ حرات نوکنڈی اچ 45 ڈگری سینٹی گریڈ ریکارڈ کیتا گیا۔آندے 24گھنٹے دے دوران اسلام آباد راولپنڈی،گوجرانوالہ، لاہور، سرگودھا، فیصل آباد،پشاور، ہزارہ، مردان، کوہاٹ،ژوب ڈویژن، فاٹا اچ کجھ جہیں تے تکھی ہوا دے نال کھمنڑ نال مینھ وسیسی جڈاں جو مالاکنڈ تے کشمیری تے گلگت دے کجھ علاقیاں اچ لینڈ سلائیڈنگ دا ڈر ہے ملک دے بئے علاقیاں اچ موسم گرم تے رکھا رہسی ۔