بھارت طاقت نال کشمیریاں دی آواز دبانی سگدا،لیفٹیننٹ جنرل (ر) عبدالقیوم

بھارت طاقت نال کشمیریاں دی آواز دبانی سگدا،لیفٹیننٹ جنرل (ر) عبدالقیوم

اسلام آباد (پاکستان پوائنٹ نیوز۔25 جولائی۔2016) لیفٹیننٹ جنرل (ر) عبدالقیوم خان آکھیا اے جو بھارت طاقت نال کشمیریاں دی آواز کوں دبا نہیں سگدا۔ ریڈیو پاکستان دے پروگرام نقطہ نظر وچ گالھ مہاڑ کریندے ہوئیں انہاں آکھیا جو مسئلہ کشمیر بہوں سادہ اتے حقیقت تے مبنی ہے۔ ایں مسئلے کو ں حل تھیونڑاں چاہیدے اتے کشمیریاں کوں آزادی ملنڑ چاہیدی ہے۔

لیفٹیننٹ جنرل(ر) عبدالقیوم خان آکھیا جو بھارتی فوج نہتے کشمیریاں کوںگولیاں مار تے انہاں دی آواز کوں دبا نی سگدی ،بھارت کشمیریاں دی تحریک آزادی دی جدوجہد توںبوکھلاہٹ دا شکار ہے جیندی وجہ نال ایندی لیڈر شپ غیرمعقول بیان ڈیندی پئی ہے۔ انھاں آکھیا جو پاکستان سفارتی انداز نال عالمی سطح تے کشمیریاں دی حمایت جاری رکھی ہوئی ہے۔ انھاں آکھیا جو اقوام متحدہ دے چارٹر مطابق کہیں وی قوم دے حق خود ارادیت کوں دبایا نی ونج سگدااتے ایں خاطر کشمیریاں کوں حق خودارادیت ملنڑاںچاہیدے۔