نینگراں کوں آپنڑیں خواباں کوں حقیقت دا روپ ڈیونڑ کیتے طاقت طاقت بنڑنڑاں چاہیدے،

انہاں کوں ہنر مند بنڑاونڑ اتے عملی زندگی کیتے تیار کرنڑاں ایں عمل دا حصہ ہے ، صدر مملکت ممنون حسین دا نیوٹیک ولوں انعامات ڈیونڑ دی تقریب نال خطاب

نینگراں کوں آپنڑیں خواباں کوں حقیقت دا روپ ڈیونڑ کیتے طاقت طاقت بنڑنڑاں چاہیدے،
انہاں کوں ہنر مند بنڑاونڑ اتے عملی زندگی کیتے تیار کرنڑاں ایں عمل دا حصہ ہے ، صدر مملکت ممنون حسین دا نیوٹیک ولوں انعامات ڈیونڑ دی تقریب نال خطاب

اسلام آباد (پاکستان نیوز پوائنٹ 19دسمبر2016ء) صدر مملکت ممنون حسین نینگراں کیتے فنی تربیت دے حصول کوں لازمی قرار ڈیندے ہوئیں آکھے جو اساں نینگراں کوں آپنڑیں خواباں کوں حقیقت دا روپ ڈیونڑ کیتے طاقت بنڑاونڑاں چاہندے ہئیں ۔ انہاں کوں ہنر مند بنڑا تے عملی زندگی کیتے تیار کرنڑاں ایں عمل دا حصہ ہے ۔ نیو ٹیک کوں مختلف شعبیاں اچ کم کیتے وڈی تعداد اچ نینگراں کوں تربیت دی فراہمی دے پروگرام تیار کرنڑیں چاہیدے ہن ۔

او نیوٹیک ولوں انعام ڈیونڑ دی ہک تقریب نال الیندے پئے ہن ۔ صدر مملکت آکھیا جو اساکوں آپنڑیں نینگراں کوں امید ڈیواونڑیں چاہیدی ہے ۔ ایں سانگے نیوٹیک اتے وزیراعظم دے یوتھ سکل پروگرام بہوں فیدے مند تھی سگھدے ہن ۔ انہاں آکھیا جو اے معاشرے دے ہر طبقے دی ذمہ داری ہے جو او انہاں پروگراماں کوں کامیاب بنڑاونڑ اتے قومی ترقی اچ آپ دا کردار ادا کرن۔

صدر مملکت نیوٹیک تے زور ڈتا جو او بلوچستان اتے خاص طور تے ایندے ساحلی علاقیاں اتے گوادر اُتے توجہ ڈیوے تانجو مقامی نینگراں کوں روزگار دے موقعے ملن اتے او ودھ توں ودھ فیدہ چاءسگن۔ انہاں آکھیا جو گوادر بندرگاہ اتے اقتصادی راہداری دے فعال تھیونڑنال روزگار دے موقعے پیدا تھیسن۔ انہاں آکھیا جو نیوٹیک کوں شپنگ انڈسٹری اتے متعلقہ شعبیاں اچ کم کیتے وڈی تعدا د اچ نینگراں کوں تربیت ڈیونڑ دے پروگرام تیار کرنڑیں چاہیدے ہن ۔

صدر مملکت تاجراں تے صنعت کاراں تے زور ڈتا جو او نیو ٹیک دے تربیت یافتہ نینگراں کوں ترجیحی بنیاداں تے ملازمتاں ڈیون۔ صدر مملکت نینگراں کوں ملک دا وڈا سرمایہ قرارڈیندے ہوئیں آکھیا جو نوجوان مجموعی آبادی دا 60 فیصد ہن ، اتے اساکوں انہاں ے خواب کوں سچ کرنڑ سانگے آپ دا کردار ادا کرنڑاں چاہیدے ۔