قائد اعظم دے مزار تے چین ولوں تحفے اچ ڈتے گئے نویں دیدہ زیب فانوس دی تنصیب دی افتتاحی تقریب اج تھیسی

اسلام آباد (پاکستان نیوز پوائنٹ 16دسمبر2016ء) بانی پاکستان قائد اعظم محمد علی جناح دے مزارتے دوست ملک چین ولوں تحفے اچ ڈتے گئے نویں دیدہ زیب فانوس دی تنصیب دی افتتاحی تقریب اج تھیسی۔صدر مملکت ممنون حسین ہک باضابطہ تقریب اچ مزار قائد تے نویں فانوس دی تبدیلی دا افتتاح کریسن جئیں اچ وزیراعظم دے مشیر برائے قومی تاریخ و ادبی ورثہ ڈویژن عرفان صدیقی، وزیر اعلیٰ سندھ سید مراد علی شاہ، پاکستان اچ چین دے سفیر سن وی دونگ، میئر کراچی وسیم اختر توں انج اعلیٰ حکومتی اتے چینی سفارت خانے دے حکام شریک تھیسن۔33ہزار مربع فٹ تے تعمیر تھیونڑ تے مزار قائد سانگے 1970ء اچ عوامی جمہوریہ چین ولوں انتہائی دیدہ زیب فانوس تحفے دے طور فراہم کیتا گئیا ہئی۔