رحیم یار خان(پاکستان نیوز پوائنٹ 9دسمبر2016ء) تنظیم السعیدرحیم یارخان دے ضلعی صدر محمدالیاس سعیدی آکھیا ہے جو آنحضور دی دنیا اچ آمد دے نال ہی جہالت اتے ظلم دا خاتمہ شروع تھی گیا، نبی کریم دی تعلیمات امت مسلمہ سانگے مکمل ضابطہ حیات ہن، تنظیم السعید ضلع بھر اچ جشن عید میلاد النبی چنگے طریقے نال منیسی ، محافل میلاد دے انعقاد نال دلاںکوں سکون اتے روح دی تازگی میسر آندی ہے ۔
انہاں خیالاں دا اظہار انہاں اپنڑی گالھ مہاڑ اچ کیتا۔ انہاں آکھیا جو تنظیم السعیددے اہتمام نال پورے ضلع دیاں چارے تحصیلاںاچ جشن عید میلاد النبیدے موقع تے چنگی چراغاں کرنڑ دے نال نال محافل میلاد دا انعقادکیتا ویسی۔ ایں سلسلے اچ تنظیم السعید دے سارے عہدیداراں کوں ہدایت جاری کر ڈتیاں گیاں ہن ۔ انہاں آکھیا جو نبی آخر الزماںوالی دو جہاں دی آمد نال دنیا اچ نور دی بہار آگی، جہالت اتے تاریکی دا خاتمہ ممکن تھیا ،آپدی تعلیمات امت مسلمہ سانگے مشعل راہ ہن، محمدعربی دے احکامات تے عمل پیرا تھی تے امت مسلمہ دنیا کوں جنت دا گہوارہ بنڑا یا ونج سگدا ہے۔
انہاںآکھیا جو آپ کوں ڈوہیںجہاناں سانگے رحمت بنڑا تے بھیجا گیا اتے احکامات الٰہی دے مطابق اپنڑی حیات طیبہ کوںگزار تے نبی آخر الزماں امت مسلمہ کوں مکمل ضابطہ حیات دتا، آنحضور دی ولادت باسعادت دے موقع تے جشن مناونڑ مسلماناں دے ایمان دا اہم جزو ہے ، عاشقان رسول جشن عید میلاد النبی کوں چنگے طریقے نال منا تے آقائے دو جہاںدے نال والہانہ محبت دا ثبوت ڈیون ۔
