رحیم یار خان(پاکستان نیوز پوائنٹ 9دسمبر2016ء) جماعت اسلامی دے اہتمام نال اقراءڈگری کالج ایئر پورٹ روڈاچ 5روزہ فہم قرآن پروگرام دے پہلے ڈینھ درس قرآن ڈیندے ہوئیںڈاکٹر عبدالرحمان آکھیا جو قرآن سیرت رسولﷺ اتے سیرت رسول ﷺہی قرآن ہے ۔جیں قرآن کوں چلدے پھردے عمل کریندے ڈیکھنڑاں ہے او سیرت محمد ﷺ کو ںڈیکھے ۔قرآن اتے سیرت نبویﷺ تا قیامت انساناں دی رہنمائی کریندا رہسی۔
انھاں آکھیا جو ربیع الاول دے بابرکت مہینے دا تذکرہ کریندے ہوئیں گلی محلے تے بازاراں اچ چراغاں کرنڑ نال نی دلاں کوں سیرت محمد نال ہی روشن کرنڑ ربیع الاول دا پیغام ہے ۔انھاں قرآن دی سورة الحجرات دی آیات دی تلاوت ترجمہ و تفسیر بیان کریندے ہوئیں آکھیا جو سارے دنیا دے مسلماناں ہک جسم وانگوں ہن آپس اچ بھرپی رکھن تے عورتاں ہوون یامرد اللہ سئیں دے ہاں بڑھائی دا پیمانہ صرف تقوی تے خود خدا ہے اتے ہک ڈوجھے کوں گھندے القاب نال پکارنڑ ،بدگمانی تجسس اتے غیبت اللہ کوں ناپسند ہن تے انہاں دا ارتکاب کرنڑ آلے گناہ کبیرہ دے مرتکب اتے ظالم ہن
