اسلام آباد (پاکستان پوائنٹ نیوز۔22 جولائی۔2016) الیکشن کمیشن دی تشکیل سانگے اپوزیشن ولوں چاراں صوبیاں توں 12 ناں پارلیمانی کمیٹی کو ںبھجوا ڈتے گئے ہن۔ جمعہ کوں قائد حزب اختلاف سید خورشید احمد شاہ ولوں سیکرٹری قومی اسمبلی کوں لکھے گئے خط دے کٹھے ہک سربمہر لفافے وچ اپوزیشن ولوں تجویز کیتے گئے ناں بھجوائے گئے ہن۔حزب اختلاف دے ذرائع مطابق ہر صوبے توں ترائے ترائے ناں شارٹ لسٹ کر تے تجویز کیتے گئے ہن۔
خط وچ سیکرٹری قومی اسمبلی کوں آکھیا گئے جو اپوزیشن ولوں تجویز کردہ ناواں تے مشتمل سربمہر لفافہ الیکشن کمیشن دی تشکیل سانگے قائم خصوصی پارلیمانی کمیٹی دے چیئرمین کوں بھجوا ڈتا ونجے۔ واضح رہوے جو گزریل کجھ ڈینھاں توں قومی اسمبلی وچ قائد حزب اختلاف سید خورشید احمد شاہ اتے وفاقی وزیر خزانہ اسحاق ڈار دی مشترکہ کوششاں نال اپوزیشن اتے حکومت ولوں چاراں صوبیاںوچ الیکشن کمیشن دے ہک ہک رکن نامزد کرنڑ ن دے حوالے نال ناں شارٹ لسٹ کیتے گئے۔
حکومت اتے اپوزیشن ولوں باراں باراں ناں خصوصی کمیٹی کوں بھجوانڑ دا فیصلہ کیتا گیا ہائی۔ اپوزیشن ولوں ناں خصوصی کمیٹی کو ںسیکرٹری قومی اسمبلی دے ذریعے بھجوا ڈتے گئے ہن۔ ڈوہائیں پاسوں ناں موصول تھیونڑ دے بعد خصوصی پارلیمانی کمیٹی دا اجلاس طلب کیتا ویسی۔ ڈوہائیں پاسوں موصول تھیونڑ آلے ناواں تے تفصیلی غور دے بعد خصوصی پارلیمانی کمیٹی ہر صوبے توں الیکشن کمیشن دا ہک رکن نامزد کریسی۔
