اسلام آباد (پاکستان پوائنٹ نیوز۔22 جولائی۔2016) وزیراعظم محمد نواز شریف عام انتخابات دے کامیاب انعقاد تے آزاد جموں تے کشمیر دی عوام اتے منتخب نمائنداں کوں مبارخباد ڈتی ہے، آزاد جموں تے کشمیر وچ انتخابات دا پرامن انعقاد جمہوری طاقتاں دی جیت ہے جیرھی جو جمہوریت تے عوام دے اعتماد داواضح عکاس ہے، جیت اتے ہار انتخابات دا حصہ ہے تاں جو فعال جمہوریت سانگے چنگی گالھ ایں تے عمل دا تسلسل ہے۔
انہاں امید ظاہر کیتی جو آزاد جموں تے کشمیر دے نو منتخب نمائندے مقبوضہ کشمیر دی عوام دی جدوجہد آزادی دی حمایت جاری رکھیسن۔ وزیراعظم این گالھ تے زورڈیندیاں آکھیا جو سیاسی ونڈ دے باوجود پورا پاکستان کشمیری بھراواں دی جدوجہد سانگے غیر متزلزل حمایت سانگے ہک مٹھ ہے۔ وزیراعظم نومنتخب نمائنداںتے زور ڈتا جواوہ آزاد جموں تے کشمیر دی فلاح تے بہبود سانگے کم کرین۔ انہاں آکھیا جو وفاقی حکومت لوکاں دی چنگی خدمت سانگے نومنتخب حکومت کو ںہرممکن تعاون فراہم کریسی۔
