چیف آف آرمی سٹاف جنرل راحیل شریف دا آئی ایس آئی ہیڈ کوارٹرز دا الوداعی دورہ

اسلام آباد (پاکستان نیوز پوائنٹ 28نومبر2016ء) چیف آف آرمی سٹاف جنرل راحیل شریف اپنڑے الوداعی دوریں دا سلسلہ جاری رکھیندے ہوئیں سنوار کوں ڈائریکٹوریٹ جنرل انٹر سروسز انٹیلی جنس (آئی ایس آئی) ہیڈ کوارٹرز دا دورہ کیتا۔ ہیڈ کوارٹرز آمد تے جنرل راحیل شریف دا استقبال ڈائریکٹر جنرل آئی ایس آئی لیفٹیننٹ جنرل رضوان اختر کیتا۔ پاک فوج دے محکمہ تعلقات عامہ (آئی ایس پی آر) ولوں جاری بیان دے مطابق چیف آف آرمی سٹاف دہشت گردی دے خلاف جنگ اتے مادر وطن دا دفاع مستحکم بنڑاونڑ سانگے آئی ایس آئی دے افسراں اتے نینگراں دیاں قربانیاں اتے کامیابیاں کوں زبر دست خراج تحسین پیش کیتا ۔