ملتان(پاکستان پوائنٹ نیوز۔21 جولائی۔2016) قطب پوردے علاقے ناگ شاہ چوک دے نیڑے موٹرسائیکل کھسنڑ آلے ڈاکوئواںاتے پولیس وچال فائرنگ دا تبادلہ تھیا، گولیاں لگنڑ پاروں 2ڈاکوہلاک تھی گئے جڈانجو 2ڈاکوفرارتھی گئے ۔ پولیس دے مطابق قطب پوردے علاقے بلال چوک دے نیڑے 4ڈاکوئواں سعیدناں دے بندے کولوں موٹرسائیکل کھس تے ناگ شاہ چوک آلے پاسے بھجنڑ دی کوشش کیتی ۔
اطلاع ملنڑ تے پولیس ناکہ بندی کریندے ہوئیں ڈاکوئواں دا پیچھاکیتا اتے ناگ شاہ چوک دے نیڑے ڈاکوئواں پولیس پارٹی تے فائرنگ کرڈتی جوابی فائرنگ اچ ہک ڈاکوموقعے تے ہلاک اتے ڈوجھا شدیدزخمی تھی گیاجڈانجو 2ڈاکوفرارتھی گئے ۔ زخمی ڈاکو کوںنشترہستپال منتقل کیتا گیاجڈانجواو رستے اچ مر گیا۔ پولیس ڈاکوئواںدیاں لاشاں نشترہسپتال دے سردخانے منتقل کرڈتن۔
ایس ایچ اوتھانہ قطب پورراناصابر ''اے پی پی ''کوں ڈسایا جو ہلاک تھیونڑآلے ڈاکوئواںدی شناخت نسیم بلوچ سکنہ جلالپوراتے حق نواز سکنہ رحیم یار خان تھئی ہے ۔ داکوئواںکولوں 2موٹرسائیکل،2پسٹل اتے موبائل فون برآمدکیتا گئے ۔ فرارتھیونڑآلیاں ڈاکوئواںدی گرفتاری کیتے چھاپے مارے ویندے پن ۔ ہلاک تھیونڑآلے ڈاکوئواں کجھ دینھ پہلے وپاری کوں قتل اتے اوندے بھرا کوں زخمی کرتے لکھاں روپے کھسے ہن ۔ جڈانجو درجناں وارداتاں اچ وی ملوث ہن ۔
