لاہور(پاکستان پوائنٹ نیوز۔21 جولائی۔2016) امریکی قونصل جنرل لاہور زیچرے ہارکن رائیڈر' گورنر ہائوس لاہوراچ گورنر پنجاب ملک محمد رفیق رجوانہ ملاقات کیتی۔ملاقات اچ آپسی دلچسپی دے معاملے اتے ڈو پاسہ تعاون کوں ودھاونڑ سانگے مختلف معامیلیاں تے گالھ مہاڑکیتی گئی ۔گورنر پنجاب آکھیا جو وزیر اعظم محمد نواز شریف دی قیادت اچ چاتے گئے اقدامات دے چنگے نتیجے سامنڑے امدے پئن ،پوری قوم دہشت گردی ،انتہا پسندی اتے فرقہ واریت دے ناسور کوں مکاونڑ سانگے پر عزم اے۔
انہاں آکھیا جو پوری قوم ،افواج پاکستان اتے قانون نافذ کرنڑ آلے اداریاں نال سیسہ پلائی دیوار بنڑی کھڑی اے۔گورنر پنجاب امریکی قونصل دی خدمات کوں سراہیا اتے آکھیا جو انہاں دی پاکستان اچ بطور قونصل جنرل تعیناتی وچال ڈوہاں ملکاں دے تعلقات اچ استحکام اتے بہتری آئی اے،گورنرپنجاب،پاکستان اچ قیام انہاں دی پیشہ وارانہ زندگی دا بہترین حصہ اے۔ایں موقع تے امریکی قونصل جنرل آکھیا جو پاکستان خطے اچ امن اتے دہشت گردی دے خاتمے سانگے مخلصانہ کوششاں کریندا پئے اتے اے خوش آئند گالھ اے جو پاکستان خطے اچ معاشی طور ہک مستحکم ملک دی حیثیت نال ابھردا پئے۔
