مسلم لیگ (ن) دے رکن قومی اسمبلی شیخ فیاض الدین دی وزیراعلیٰ پنجاب نال ملاقات،مختلف منصوبیاں سانگے 30 کروڑ روپے دے فنڈز منظور

رحیم یار خان ۔(پاکستان پوائنٹ نیوز۔21 جولائی۔2016) وزیراعلیٰ پنجاب محمدشہباز شریف ' رکن قومی اسمبلی شیخ فیاض الدین دی درخواست تے خان پور شہر اچ سٹی سیوریج سکیم اتے مختلف سڑکاں دے منصوبیاں سانگے 30کروڑ روپے دے فنڈز دی منظوری ڈے ڈتی اے جئیں اچ سیوریج سکیم تے 17کروڑ روپے اتے خان پور شہر سمیت حلقہ این اے193دی مختلف سڑکاں دی تعمیر تے 13کروڑ روپے خرچیے ویسن۔ مسلم لیگ (ن) دے رکن قومی اسمبلی شیخ فیاض الدین ' وزیراعلیٰ ہاؤس لاہور اچ وزیراعلیٰ پنجاب محمدشہباز شریف نال ملاقات کیتی۔وزیر اعلیٰ ،شیخ فیاض الدین نال گالھ مہاڑ کریندیں ہوئیں آکھیا جو ضلع رحیم یار خان سمیت جنوبی پنجاب دی تعمیر تے ترقی سانگے مسلم لیگ ن دی حکومت اقدامات کریندی پئی اے۔