آئیڈیاز 2016 دا مقصد پاکستان دے تیار کردہ دفاعی سامان کوں دنیا دے سامنڑے پیش کرنڑ ہے، لیفٹیننٹ جنرل (ر) عبدالقیوم

آئیڈیاز 2016 دا مقصد پاکستان دے تیار کردہ دفاعی سامان کوں دنیا دے سامنڑے پیش کرنڑ ہے، لیفٹیننٹ جنرل (ر) عبدالقیوم

اسلام آباد (پاکستان نیوز پوائنٹ 23نومبر2016ء) مسلم لیگ (ن) دے سینیٹر اتے لیفٹیننٹ جنرل (ر) عبدالقیوم آکھیا ہے جو پاکستان وجود اچ نہ آندا تاں ہندو مسلم علاقیں کوں ہر طرح توں محروم رکھیندے۔ذرائع ابلاغ نال گالھ مہاڑ کریندے ہوئیں انہاں آکھیا جو قیام پاکستان نال مغربی تے مشرقی مسلم علاقے کھنڈراں وانگوں ہن اتے ہندو سارے ترقیاتی کم ہندوواں دی آبادی آلے علاقیں اچ کریندے ہن اتے ایں ویلھے ساریاں صنعتاں اتے دفاعی ساز سامان بنڑاونر آلیاں فیکٹریاں وی انہاں علاقیں اچ ہن ایہا وجہ ہئی جو پاکستان د ے وجود اچ امدیں ہی ولیکا ٹیکسٹائل مل سمیت کجھ چھوٹیاں موٹیاں فیکٹریاں ایندے حصے اچ آیاں ۔

انہاں آکھیا جو قیام پاکستان دے بعد محدود ذرئع دے اندر رہندے ہوئیں ودھ ترقی کیتی اتے اتھاں پاکستان آرڈیننس فیکٹر ی،پاکستان ایروناٹیکل کمپلیکس،ہیوی انڈسٹریز ٹیکسلا اتے پاکستان اٹامک انرجی کمیشن سمیت کئی فیکٹریاں لاتیاں گیاں جیں دے بعد پاکستان دی ترقی دے رستے کھلدے گے ۔انہاں آکھیا جو شروع اچ اساں تھری ناٹ تھری گولی دے حصول سانگے برطانوی رائل آرڈیننس فیکٹر ی تے انحصا ر کریندے ہاسے ۔

سینیٹر عبدالقیوم آکھیا جو اج اللہ سئیں دا لکھ لکھ شکر ہے جو اساں دفاعی سامان اچ خود کفیل ہوں اتے ملکی ضرورتاں دا 80فیصد خود پیدا کریندوں ۔آئیڈیاز 2016دی اہمیت دے حوالے نال پچھے گے سوال دا جواب ڈیندے ہوئیں انہاں آکھیا جو نمائش دا مقصد پاکستان دے ۔دفاعی ساز و سامان کوں دنیا دے سامنڑے پیش کرنڑ ہے تے ایندے تے کئی معاہدے وی کیتے ویندے ہن ۔