اسلام آباد (پاکستان پوائنٹ نیوز۔21 جولائی۔2016) اجوکے ساونڑں سیزن اچ ودھ سارے مینھ وسنڑ پاروں لوکاں دے جان تے مال تے تحفظ سانگے ضروری احتیاطی اقدامات کرنڑ دی ہدایات جاری کر ڈتیاں گیاں ہن ۔قدرتی آفت دے انتظام دے اداریں ولوں جاری کیتی گی ہدایات اچ آکھیا گیا ہے جو تکھی اندھاری اچ بجلی دے کھمبے ،سائن بورڈ تے ونڑاں توں پرے رہیا ونجے ،ایں دوران سیوریج سسٹم تے برساتی نالیں اچ گند خرابا نہ سٹیا ونجے ۔
شہریاں کوں ہدایات کیتی گی ہے جو پرانڑے تے کچے مکاناں تے زیر تعمیر رہائشاں اختیار نہ کیتیاں ونجن جڈاں جو چھتاں دی صفائی تے مرمت تے نکاسی دا چنگاں نظام بنڑایا ونجے ۔نشیبی علاقیاں دے رہنڑ آلیاں کوں آکھیا گیا ہے جو اپنڑے قیمتی سامان کوں اچی تے محفوظ جاہ تے منتقل کر ڈیون ۔ایندے علاوہ وبائی مرضاں توں بچنڑ سانگے خصوصی اقدامات کیتے ونجن ،زناوراں کوں حفاظتی ٹیکے لاتے ونجن تے گھاہ خشک جاہ تے محفوظ کیتا ونجے ،مینھ نال پسیے ہوئے برقی آلات ڈٹھیاں ہویاں تاراں توں وی پرے رہیا ونجے ۔
