وزارت مذہبی اموردا حج 2016ء سانگے سرکاری سکیم دے تحت فریضہ حج دی ادائیگی سانگے عازمین کوں حجاز مقدس پجاونڑ دے حوالے نال حج پروازاں دے شیڈول دا اعلان

وزارت مذہبی اموردا حج 2016ء سانگے سرکاری سکیم دے تحت فریضہ حج دی ادائیگی سانگے عازمین کوں حجاز مقدس پجاونڑ دے حوالے نال حج پروازاں دے شیڈول دا اعلان

اسلام آباد (پاکستان پوائنٹ نیوز۔21 جولائی۔2016) وزارت مذہبی امور حج 2016ء سانگے سرکاری سکیم دے تحت فریضہ حج دی ادائیگی سانگے عازمین کوں حجاز مقدس پجاونڑ دے حوالے نال حج پروازاں دے شیڈول دا اعلان کرڈتا ہے جیندے مطابق حج توں پہلے عازمین کوں حجاز مقدس پجاونڑ دا کم 4 اگست توں 5 ستمبر تائیں مکمل کرگھداویسی۔ وزارت مذہبی امور دے ذرائع ''اے پی پی '' نال گالھ مہاڑ کریندے ہوئیں آکھیا جوسرکاری سکیم دے سارے عازمین کوں انہاںدیاں پروازاں دی تفصیلات توں متعلق خطوط ارسال کرڈتے گئے ہن۔

علاوہ ازیں اوہ اپنڑیاں پروازاں دا شیڈول وزارت مذہبی امور دی ویب سائٹ تے وی ڈیکھ سگدے ہن ۔ ایندے علاوہ عازمین کوں ایس ایم ایس دے ذریعے وی اطلاع ڈتی گئی ہے۔ جاری سال سرکاری اتے پرائیویٹ سکیماں دے تحت مجموعی طور تے ہک لکھ43 ہزار368 پاکستانی فریضہ حج ادا کریسن جنہاں وچوں ادھے سرکاری اتے ادھے پرائیویٹ سکیم دے تحت حج دی سعادت حاصل کریسن۔

4 اگست کوں پہلی حج پرواز روانہ تھیسی۔ پہلے 15ڈینھ حج پروازاں براہ راست مدینہ منورہ ویسن ، مدینہ منورہ پجنڑ آلے حاجیاں دی وطن واپسی جدہ توں جڈانجو جدہ ایئرپورٹ تے لینڈ کرنڑ آّلے حاجیاں دی واپسی مدینہ منورہ توں تھیسی۔ جاری سال وزارت مذہبی امور حاجیاں کوںحجاز مقدس وچ ہوائی اڈیاں تے لمبے انتظار دی کوفت توں بچنڑ سانگے ا یہ فیصلہ کیتا ہے جو سرکاری سکیم دے تحت حاجیاں دی آدھی تعداد براہ راست مدینہ منورہ پجائی ونجے اتے آدھی تعداد جدہ پجائی ونجے ، ایندے نال عازمین دوہرے سفردی کوفت توں بچنڑ دے نال نال ہوائی اڈے تے لمبے انتظارتوں وی محفوظ راہسن ۔