وفاقی محتسب دی ہدایت تے باہرلے ملکاں اچ رہنڑ آلے پاکستانیاں دا قومی ڈینھ 18دسمبر کوںچنگے انداز اچ مناونڑ سانگے تیاریاں شروع

وفاقی محتسب دی ہدایت تے باہرلے ملکاں اچ رہنڑ آلے پاکستانیاں دا قومی ڈینھ 18دسمبر کوںچنگے انداز اچ مناونڑ سانگے تیاریاں شروع

اسلام آباد (پاکستان نیوز پوائنٹ 17نومبر2016ء) وفاقی محتسب محمد سلمان فاروقی دی ہدایت تے باہرلے ملک رہنڑ آلے پاکستانیاں دا قومی ڈینھ 18دسمبر کوںمناونڑ سانگے تیاریاںشروع کر ڈتیاںگیاں ہن ۔ایں ڈینھ کوں مناونڑ دا مقصد ملک دی ترقی سانگے 80لکھ توں ودھ باہرلے ملکاں اچ رہنڑ آلے پاکستانیاںدیاں خذمتاںکوں خراج تحسین پیش کرنڑ ہے ۔وفاقی محتسب سیکر ٹریٹ دے حکام خمیس کوں اے پی پی نال گالھ مہاڑ کریندے ہوئیںڈسایا جو سعودی عرب ‘متحدہ عرب امارات‘ بحرین ‘کویت ‘اومان ‘ملائیشیاء‘برطانیہ‘ناروے ‘جنوبی کوریا‘اٹلی ‘سپین یونان ‘عراق اتے امریکہ سمیت بئے ملکاں اچ رہنڑ آلے پاکستانیاں دے قومی ڈینھ کوں مناونڑ سانگے انتظامات پورے کیتے ویندے پئے ہن ۔

انہاں آکھیا جو ایں سلسلے اچ وفاقی محتسب دے سینئر ایڈوائزر تے گریویننس کمشنر اورر سیز پاکستانیز حافظ احسان احمد کھوکھر متعلقہ اداریں دے اجلاس دی صدارت کیتی انہاں کوں وختی انہاں دیاں تیاریاں پوریاں کرنڑ دی ہدایت کیتی ۔ایندے علاوہ احسان احمد کھوکھر امریکہ اچ رہنڑ آلے پاکستانیاں توں سکائپ تے ایں حوالے نال مشورہ کیتا ایں ڈینھ کوں مناونڑ دی مناسبت نال تیاریاں تے انتظامات دے سلسلے اچ مشاورت کیتی ۔

وفاقی محتسب محمد سلمان فاروقی ہدایت تے باہرلے ملک رہنڑ آلے پاکستانیاں دا قومی ڈینھ 18دسمبر کوں چنگے انداز اچ مناونڑ سانگے باہرلے ملک پاکستانی مشناں دے حوالے نال انتظامات کیتے ویندے پئے ہن ،وفاقی محتسب سلمان فاروقی حافظ احسان احمد کھوکھر کوں ہدایت کیتی جو باہرلے ملک پاکستانیاں دے مسلیں کوں ترجیحی بنیاداں تے حل کرنڑ سانگے انتظامات کرن کیوں جو پاکستان دی معیشت اچ باہرلے ملک پاکستانیاں دا اہم کردار ہے ۔