اسلام آباد (پاکستان نیوز پوائنٹ 15نومبر2016ء) صدر مملکت ممنون حسین آکھیا جو خواندگی دی شرح کوں ودھاونڑ سانگے تعلیمی بجٹ اچ 4فیصد تئیں ودھارے دی لوڑھ اے۔انہاں اے گالھ منگل کوں وزیر مملکت برائے تعلیم و پیشہ وارانہ تربیت بلیغ الرحمٰن نال ایوان صدر اچ ملاقات وچال آکھی جئیں اچ کوآرڈینیٹروزیراعظم یوتھ پروگرام مخدوم عدیل الرحمن وی موجود ہن۔
صدرمملکت آکھیا جو تعلیمی معیار کوں چنگا بنڑاونڑ سانگے سرکاری اداریاں کوں پرائیویٹ تعلیمی اداریاں نال رل تے ایجھی پالیسی بنڑاونڑ ی چاہیدی اے جو جئیں نال ملک دے تعلیمی نظام اچ بہتری آوے۔صدرمملکت آکھیا جو مستقبل دے حالات کوں ڈیکھدیں ہوئیں ہائیر ایجوکیشن کمیشن کوں ایجھا لائحہ عمل بنڑاونڑاں پمسی جئیں نال آونڑ آلے چیلنجاں دا مقابلہ کیتا ونج سگے۔صدرمملکت آکھیا جو تعلیمی پروگرام دی عملدرآمدی سانگے سارے وسائل لاتے ونجن اتے ایں سانگے بھرپور معاونت دا یقین ڈوایا ونجے۔صدر مملکت کوں وزیر مملکت برائے تعلیم و پیشہ وارانہ تربیت بلیغ الرحمٰن تعلیمی پڑ اچ کیتے ونجنڑ آلے اقدامات بارے ڈسایا۔
