پی اسے سی دے فیصلیں تے عمل درآمد سانگے قائم ذیلی کمیٹی دا اجلا س ملتوی

اسلام آباد (پاکستان نیوز پوائنٹ 15نومبر2016ء) پبلک اکاﺅنٹس کمیٹی دے فیصلیں تے عمل درآمد سانگے قائم ذیلی کمیٹی دا اجلاس کمیٹی دے کنوینر رانا افضال حسین دی عدم موجودگی پاروں ملتوی کر ڈتا گیا۔ اجلاس سنوار کوں 11 وجے پارلیمنٹ ہاﺅس اچ تھیونڑاں ہا ۔ ایں موقع تے وزارت پٹرولیم و قدرتی وسائل اتے ذیلی اداریں دے 60 توں 70 افسراں تے عملے دے علاوہ بئے متعلقہ اداریاں دے افسر موجود ہن تاں جو 15منٹ دی دیر تھئی تاں پی اے سی دے سیکر ٹری اجلاس دے شرکا توں معذرت کریندے ہوئیں آکھیا جو کمیٹی دے کوینر کجھ وجوہات پاروں نی آسگیے ۔اجلاس سانگے شیڈول دا اعلان بعد اچ کیتا ویسی ۔