عدالتاں اچ فیصلے ردی دے کاغذاں نال نی تھیندے ،عمران خان کوں ہک واری ولا ہار تے شرمندگی دا سامنڑاں کرنڑاں پوسی ،پاکستان مسلم لیگ ن دے رہنما طلال چوہدری دی میڈیا نال گالھ مہاڑ

اسلام آباد (پاکستان نیوز پوائنٹ 15نومبر2016ء) پاکستان مسلم لیگ (ن) دے رہنما طلال چوہدری طلال چوہدری آکھیا ہے جو عدالتاں اچ فیصلے ردی دے کاغذاں نال نی تھیندے ،عمران خان کوں ہک واری ولا ہار تے شرمندگی دا سامنڑاں کرنڑاں پوسی،منگل کوں سپریم کورٹ دے باہروں میڈیا نال گالھ مہاڑ کریندے ہوئیں انہاں آکھیا جو اداریںاچ فیصلے ثبوت دی بنیاد تے کیتے ویندے ہن ردی دے کاغذاں نال سزا نی تھیندی ۔

طلال چوہدری آکھیا جو صحافت ہک مقد س پیشہ ہے تاں جو لوک ایندی آڑ اچ اپنڑے مقصد کوں اگی تے ودھیندے پے ہن ۔انہاں آکھیا جو جیرھی کتاب دے تراشیں کوں عدالت اچ جمع کرایا گیا ہے او ایجھے شخص دی تحریر ہے جیں تے سیلاب زدگان دے سامان سمیت کئی بئے کیس وی ہن ۔انہاں آکھیا جو مخالفاں ولوں جتنے وی ثبوت عدالات اچ جمع کرائے گے ہن انہاں اچ ہک کاغذ وی کیس توں متعلق کائنی ۔

طلال چوہدری آکھیا جو عمران خان اسلام آباد کوں بند کرنڑ دیاں گالھیں اتے پاکستان کوں بدنام کرنڑ دیاں گالھیں کریندے ہن تاں جو جڈاں ثبوت منگیا ویندا ہے تاں انہاں ڈے کائنی ہوندے ۔انہاں آکھیا جو دھاندلی دے معاملے تے عمران خان کوں ہار تھی گی ہے ہنڑ ہک واری ولا ہر ویسن ۔انہاں آکھیا جو نواز شریف دے مقابلے دی گالھ کرنڑ آلے انہاں دے بالاں توں وی ڈردے ہن ،اساں ساری جنگ جت ویسوں جیویں عوامی عدالت اچ جتے ہوں ۔