تحریک انصاف دے وڈے دعوے کوڑ دا پلندہ ثابت تھی تے عوام دے سامنڑے کھل تے آگے ہن ،

پاناما پیپرز تے عدالت توں انصاف مل ویسی تے اے عوام دی فتح ہوسی ،وزیر دفاع خواجہ محمد آصف دی میڈیا نال گالھ مہاڑ

تحریک انصاف دے وڈے دعوے کوڑ دا پلندہ ثابت تھی تے عوام دے سامنڑے کھل تے آگے ہن ،
پاناما پیپرز تے عدالت توں انصاف مل ویسی تے اے عوام دی فتح ہوسی ،وزیر دفاع خواجہ محمد آصف دی میڈیا نال گالھ مہاڑ

اسلام آباد (پاکستان نیوز پوائنٹ 15نومبر2016ء) وزیر دفاع خواجہ محمد آصف آکھیا جو تحریک انصاف ولوں اچے دعوے کوڑ دا پلندہ ثابت تھی تے عوام دے سامنڑے آگے ہن ،پاناما کیس تے عدالت عظمی توں انصاف مل ویسی اتے اے عوام دی فتح ہوسی ۔پی ٹی دی دے مطابق سنوار پاناما پیپرز دے حوالے نال عدالت عظمی اچ سنڑیج دے بعد میڈیا نال گالھ مہاڑ کریندے ہوئیں انہاں آکھیا جو پاناما پیپرز کیس اگی تے ودھدا پے ۔

وزیر دفاع آکھیا جو پاکستان تحریک انصاف ولوں اچے دعوے کیتے گے او کوڑ دا پلندہ ثابت تھی تے عوام دے سامنڑے کھل تے آگے ہن ۔انہاں آکھیا جو پاناما پیپرز دے حوالے نال وزیراعظم نواز شریف پارلیمنٹ تے ہر فورم تے خوداحتساب سانگے پیش کیتا ہے ۔اللہ سئیں دا شکر ہے جو کیس دی باقاعدہ سنڑیج شروع تھی گی ہے اتے ڈوہیں فریقین عدالت دے سامنڑے ہن ۔وزیردفاع امید دا اظہار کریندے ہوئیں آکھیا جو اساکوں ایندے توں پہلے کیساں اچ وی عدالت توں انصاف ملیا ہے آئندہ وی مل ویسی اتے اے عوام دی فتح ہوسی ۔