بلاول بھٹو زرداری دا جہانگیر بدر دے انتقال تے افسوس دا اظہار، ترائے ڈینھ دے سوگ دا اعلان

بلاول بھٹو زرداری دا جہانگیر بدر دے انتقال تے افسوس دا اظہار، ترائے ڈینھ دے سوگ دا اعلان

کراچی (پاکستان نیوز پوائنٹ 14نومبر2016ء) پاکستان پیپلزپارٹی دے چیئرمین بلاول بھٹو زرداری پارٹی دے سینئر رہنما جہانگیر بدر دے انتقال تے ودھ سارے ڈکھ اتے افسوس دا اظہارکیتا ہے ۔بلاول ہاﺅس توں جاری بیان وچ آکھیا گئے جو پاکستان پیپلزپارٹی دے چیئرمین جہانگیر بدر دے انتقال تے پارٹی دیاں ساریاں مصروفیت ملتوی کرنڑ اتے ترائے ڈینھ دے سوگ دا اعلان کیتا ہے۔

بلاول بھٹو زرداری سوشل میڈیا تے اپنڑے ٹوئیٹ وچ آکھیا جو میکوں جہانگیر بدر دی فوتگی دا سنڑتے ودھ سارا ڈکھ تھیا ہے میں کڈاہیں سوچیاوی نہ ہا جو میکوں ایہ سفر تساڈے بغیر کرنڑاں پوسی۔ بلاول بھٹو زرداری آکھیا جو جہانگیر بدر ہک چنگے جیالے ہن جنھاں مارشل لا ءدے خلاف جنگ لڑی اتے قید دیاں مشکلاںبرداشت کیتیاں پر اپنڑاں سر اچا رکھیا۔بلاول اعلان کیتے جو جہانگیر بدر دی اچانک فوتگی تے پارٹی پورے ملک وچ ترائے ڈینھ دا سوگ منیسی۔انہاں مرحوم دے لواحقین اتے سارے جیالیں نال ہمدردی دا اظہارکریندے ہوئیں آکھیا جو جہانگیر بدر پارٹی دے ہک نڈر رہنما اتے ہمت آلے کارکن ہن ، انہاں دی خدمات کوں ہمیشہ یا د رکھیاویسی۔