ملتان(پاکستان نیوز پوائنٹ 14نومبر2016ء) نامورماہر قانون ،سابق چیف جسٹس اتے ادیب محمد رستم کیانی (ایم آر کیانی)دی برسی اج 15نومبر کوں منائی ویندی پئی ہے۔ایم آر کیانی18اکتوبر1902ءکوں کوہاٹ دے شہر شاہ پور اچ پیدا تھے ہن۔اسلامیہ ہائی سکول کوہاٹ توں میٹرک کیتا۔ایف اے داامتحان پشاور توں پاس کیتااتے ایندے بعد گورنمنٹ کالج لاہور توں انگریزی اچ ایم اے کیتا۔
تعلیم پوری کرنڑ دے بعد او سول سروس نال جڑیے رہیے ۔1938ءاچ انہاں عدلیہ توں وابستگی اختیار کیتی۔پنجاب ہائی کورٹ دے جج مقرر تھی گے ہن اتے 1949اچ او پنجاب ہائی کورٹ دے جج مقررتھے ہن ۔1958ءاچ مغربی پاکستان ہائی کورٹ دے چیف جسٹس دے عہدے تے فائز تھے۔چیف جسٹس دی حیثیت نال انہاں دی بے لاگ تقریراں پورے ملک اچ منیاں گیاں ۔انہاں ان تقریراں کوں مجموعیں دی صورت اچ وی ترتیب ڈتا۔
انہاں دی بہوںانگریزی کتاباں شائع تھیاں جڈاں جو اردو کتاب ”افکارپریشاں“دے ناں توں مقبول تھی ۔1962اچ انہاں ریٹائرمنٹ حاصل کیتی ۔اپنڑی بے لاگ تقریراں دی وجہ توں انہاں کوں سپریم کورٹ دے جج دا عہدہ نی ڈتا گیا ۔15نومبر1962اچ او مشرقی پاکستان دے دورے تے گے اتے 15نومبر 1962کوں چٹاکانگ اچ انہاں انتقال تھی گیا ۔
